លី ពេជ្រវឌ្ឍនា អតីតនិស្សិតតិចណូ ឈ្នះអាហារូបករណ៍ MEXT ទៅជប៉ុន លើជំនាញផលិតប្រព័ន្ធបញ្ជាផ្កាយរណប

លោក លី ពេជ្រវឌ្ឍនា ដែលជាអតីតនិស្សិតផ្នែកវិស្វកម្មរ៉ូបូទិច និងស្វ័យប្រវត្តិកម្ម នៃវិទ្យាស្ថានបច្ចេកវិទ្យាកម្ពុជា (សាលាតិចណូ) បានប្រឡងជាប់អាហារូបករណ៍រដ្ឋាភិបាលជប៉ុន (MEXT) ដើម្បីទៅសិក្សាថ្នាក់បន្តលើជំនាញ “វិស្វកម្មប្រព័ន្ធលំហ” (Space Systems Engineering) ដោយផ្តោតលើការផលិតប្រព័ន្ធបញ្ជាផ្កាយរណប នៅវិទ្យាស្ថានបច្ចេកវិទ្យាគ្យូសុ (Kyushu Institute of Technology) ប្រទេសជប៉ុន រយៈពេល ២ ឆ្នាំ (២០២៦-២០២៨)។

លោក ពេជ្រវឌ្ឍនា មានឆន្ទៈយ៉ាងមុតមាំក្នុងការត្រឡប់មកប្រទេសកម្ពុជាវិញ ដើម្បីបណ្តុះបណ្តាលធនធានមនុស្ស និងរួមចំណែកអភិវឌ្ឍផ្កាយរណបសង្កេតផែនដីដំបូងបង្អស់ ដែលរចនា និងផលិតដោយស្នាដៃកូនខ្មែរផ្ទាល់នាពេលអនាគត។