សេចក្តីជូនដំណឹង​ ការផ្តល់ថវិកាសិក្សាដោយមិនគិតការប្រាក់ សម្រាប់សិក្សាថ្នាក់បរិញ្ញាបត្រ ជំនាញបច្ចេកវិទ្យាឌីជីថល តាមរយៈ “កម្មវិធីអភិវឌ្ឍន៍ជំនាញឌីជីថល”​ នៅសល់ត្រឹម ៥ថ្ងៃទៀត​ទេ

នៅសល់ត្រឹម ៥ថ្ងៃទៀត “កម្មវិធីអភិវឌ្ឍន៍ជំនាញឌីជីថល” នឹងផុតកាលកំណត់ទទួលពាក្យស្នើសុំកម្ចីសិក្សាដោយមិនគិតការប្រាក់ សម្រាប់ថ្នាក់បរិញ្ញាបត្រ សិក្សាជំនាញបច្ចេកវិទ្យាឌីជីថល!

ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនសិស្សានុសិស្ស និងសាធារណជនទាំងអស់ មេត្តាជ្រាបថា នៅសល់ត្រឹម ៥ថ្ងៃទៀត “កម្មវិធីអភិវឌ្ឍន៍ជំនាញឌីជីថល” នឹងផុតកាលកំណត់ទទួលពាក្យស្នើសុំកម្ចីសិក្សាដោយមិនគិតការប្រាក់ សម្រាប់និស្សិតថ្នាក់បរិញ្ញាបត្រ សិក្សាជំនាញបច្ចេកវិទ្យាឌីជីថល។ ក្នុងឆ្នាំសិក្សា ២០២៦-២០២៧ នេះ ក.ប.ទ. នឹងជ្រើសរើសបេក្ខជនប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២៦ ដែលមានបំណងសិក្សាថ្នាក់បរិញ្ញាបត្រជំនាញបច្ចេកវិទ្យា​ឌីជីថល នៅតាម​គ្រឹះស្ថាន​ឧត្តម​សិក្សាដៃគូរបស់ ក.អ.ជ.ឌ. ចំនួន ៧ ដូចខាងក្រោម៖

– បណ្ឌិត្យសភាបច្ចេកវិទ្យាឌីជីថលកម្ពុជា

– វិទ្យាស្ថានបច្ចេកវិទ្យាកម្ពុជា

– សាកលវិទ្យាល័យភូមិន្ទភ្នំពេញ

– សាកលវិទ្យាល័យជាតិគ្រប់គ្រង

– សាកលវិទ្យាល័យអាមេរិកាំងភ្នំពេញ

– សាកលវិទ្យាល័យអន្តរជាតិផារ៉ាហ្គន

-​ សាកលវិទ្យាល័យកម្ពុជា

បេក្ខជនត្រូវបំពេញពាក្យស្នើសុំតាមប្រព័ន្ធអនឡាញតាមរយៈតំណភ្ជាប់ https://go.gov.kh/mptc/dsdp-registration ឬអាចស្កេន QR Code ដូចមានភ្ជាប់ជូនខាងក្រោម។

កាលបរិច្ឆេទទទួលពាក្យគិតចាប់ពីថ្ងៃជូនដំណឹងនេះរហូតដល់ ថ្ងៃទី៣១ ខែតុលា ឆ្នាំ២០២៦។

សម្រាប់ព័ត៌មានលម្អិតអំពីសេចក្ដីជូនដំណឹង សូមចុចអានតាម https://go.gov.kh/mptc/ei1m62

សម្រាប់ព័ត៌មានបន្ថែម សូមទាក់ទងតាមទូរសព្ទលេខ ១២៣។