ព្រះរាជសាររបស់ ព្រះករុណា ព្រះមហាក្សត្រ ផ្ញើជូនរដ្ឋសភា ក្នុងឱកាសបើកបវេសនកាលនៃរដ្ឋសភា សម័យប្រជុំរដ្ឋសភា លើកទី៦ នីតិកាលទី៧

ព្រះរាជសាររបស់ ព្រះករុណា ព្រះមហាក្សត្រ ផ្ញើជូនរដ្ឋសភា ក្នុងឱកាសបើកបវេសនកាលនៃរដ្ឋសភា សម័យប្រជុំរដ្ឋសភា លើកទី៦ នីតិកាលទី៧ នៅថ្ងៃទី១ ខែកក្កដា ឆ្នាំ២០២៦។

អង្គព្រះមហាក្សត្រ បានសម្ដែងព្រះរាជហឫទ័យរីករាយ ចំពោះរដ្ឋសភាកន្លងទៅ ដែលបានអនុម័តច្បាប់ស្តីពី កាតព្វកិច្ចយោធា និងការផ្តល់សច្ចាប័នលើអនុសញ្ញា សហប្រជាជាតិ ស្តីពីនីតិសមុទ្រ (UNCLOS) ដែលមានសារៈសំខាន់បំផុត ក្នុងការពង្រឹងខឿនការពារជាតិ ការពារ អធិបតេយ្យ បូរណភាពទឹកដី ព្រមទាំងពង្រឹងការគ្រប់គ្រងការប្រើប្រាស់ដែនសមុទ្រនិងធនធានសមុទ្រ ព្រមទាំងការបណ្តុះស្មារតីស្នេហាជាតិ ដល់យុវជនជំនាន់ក្រោយៗទៀតផង ។