នគរបាល​ជាតិ​ ប្រកាសចាប់ផ្តើម​រឹត​បន្តឹង​ការ​អនុវត្តច្បាប់​ចរាចរណ៍​ផ្លូវគោក​ឡើង​វិញ​ហើយ ចាប់ពី​ខែកុម្ភៈ​នេះ​តទៅ

ដោយសង្កេតឃើញកំណើនគ្រោះថ្នាក់ចរាណ៍មួយរយៈពេលកន្លងទៅនេះ អគ្គស្នងការដ្ឋាននគរបាលជាតិបានប្រកាសថា នឹងចាប់ផ្តើមរឹតបន្តឹងការអនុវត្តច្បាប់ចរាចរណ៍ផ្លូវគោកឡើងវិញ ចាប់ពីខែកុម្ភៈ ឆ្នាំ២០២៦ នេះតទៅ។

អគ្គស្នងការដ្ឋាននគរបាលជាតិបានប្រកាសជូនដំណឹងដល់សាធារណជនថា ក្នុងរយៈពេល១៦០ថ្ងៃ(គិតចាប់ពីថ្ងៃទី២៥ ខែកក្កដា ដល់ថ្ងៃទី៣១ ខែធ្នូ ឆ្នាំ២០២៥) ក្នុងអំឡុងពេលមានជម្លោះប្រដាប់អាវុធនៅតំបន់ព្រំដែនកម្ពុជា-ថៃ ការត្រួតពិនិត្យការអនុវត្តច្បាប់ត្រូវបានបន្ធូរបន្ថយមួយរយៈ។

ជាចុងក្រោយ អគ្គស្នងការដ្ឋាននគរបាលជាតិសង្ឃឹមថា អ្នកប្រើប្រាស់ផ្លូវទាំងអស់នឹងចូលរួមចំណែកយ៉ាងសកម្មដោយស្មារតីស្វ័យម្ចាស់ការ ការប្រុងប្រយ័ត្ន និងការទទួលខុសត្រូវខ្ពស់ ដើម្បីកាត់បន្ថយព្យសនកម្មផ្សេងៗដោយសារគ្រោះថ្នាក់ ស្របតាមពាក្យស្លោក “ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍”៕